Ovo je blues kega sopu oni ki se po graje vuču,
I jestive trave pobiraju,
ke se šparuge zovu.
A kad šparuge naberu,
Od njih fritaju delaju,
Friška jaja razbijaju,
A kad šparuge zdinstaju,
Suseda na večeru zovu.
Marica daj mi škornji i staru maju,
Ja gren va šumu,
ja gren va graju,
_čul san da su počele šparuge_
I judi ih pobiraju ko rožice ...
Ovo je blues kega sopu oni ki se po graje vuču,
I jestive trave pobiraju,
ke se šparuge zovu.
A kad šparuge naberu,
Od njih fritaju delaju,
Friška jaja razbijaju,
A kad šparuge zdinstaju,
Suseda na večeru zovu.
Marica daj mi škornji i staru maju,
Ja gren va šumu,
ja gren va graju,
_čul san da su počele šparuge_
I judi ih pobiraju ko rožice ...
Sastojci
Priprema
Ako biš otel dobre fritaje jist, najprvo hodi va šumu šparugi pobirat!
Kad ze šume dojdeš, zajno šparugi očisti, prelomi dokjen su trde, pa još na manji kušćići. Hiti jih va vodu i zavri.
Kad voda zavre, zajno znami vanka šparugi i dobro ocedi.
Red panceti nareži na tanko pa hiti va velu suru na vrelo uje. Onda nutra hiti i šparuge. I kapulicu mladu nareži i hiti na pancetu. Pokrij z pokrovon i par minuti zdinstaj na slaben ognju da se omehne.
Stuci osan jaj va terine, ne pozabi jih osolit, ma ne preveć aš ti je panceta slana, pa hiti va suru. Malo žlicun zmešaj i pusti da se jaja malićo stisnu.
Zribaj sira odzgora, dobro bi bilo ako ovčjega imaš, ma ako ne, će dobro bit bilo ča.
Ako ćeš, moreš kus fritaje stavit na kus domaćega kruha, za nabrzinu pojist.
Posluživanje
Tako. Fritaju si storil. Mane daj kušćić da provan. Ala, zovi si kumpanji na večeru.
-Marić! Ivić! Tonić! Ala hote, pridite! Pijati su na stole! Franić, daj bocunić!
-Marica, ma kade su žmuji? I pogaču zajno prnesi!
... I sakega aprila
Va šume je fila
Si se rivaju
I njih pobiraju
_Šparuge moje kako ste lepe i debele_
Od vas će bit fritaje vele
Samo da vas drugi ne poberu
Aš radi vas sad si po šume teču ...
( stihovi: “Šparuga bluz” – Damir Turina Šajeta )
15