Da dovršin konačno štoriju o trikaranin šnicelima. Neko je komentira da su u tri kolure, pa mi to dalo ideju za današnji prilog ovin zadnjin ostacima...ajme ovo se oteglo ka sapunica!!!
Ništa nije novo, odavnina poznato...samo da se malo pravin važna :)))
Da dovršin konačno štoriju o trikaranin šnicelima. Neko je komentira da su u tri kolure, pa mi to dalo ideju za današnji prilog ovin zadnjin ostacima...ajme ovo se oteglo ka sapunica!!!
Ništa nije novo, odavnina poznato...samo da se malo pravin važna :)))
Sastojci
Priprema
Kad san bila mala, svi smo gledali crtani o snažnon mornaru Popaju, pa su roditelji smislili dobar reklamni trik kako nan uvalit špinjaču - da ćemo bit jaki ka Popaj. Ne znan kako u vas, u mene je upalilo - to da jeden, ovo drugo nije se pokazalo uspješno (ka ča već bude sa reklamama).
Dunkve, napravite pire - špinjaču, ča da van pišen kad svi to znate. Ako kojin slučajen ima neko ko ne znat, (a bože moj, nismo se svi naučni rodili, za sve postoji prvi put) šapnit ću e da niko ne čuje, a vi se pravite posli kako je to pis of kejg. (Psssst, slušaj dobro: na uje dodaj malo masla i luka (češnjaka) tek da zamiriše. Dodaj žlicu brašna i malo proprži, pazi, ne puno da ne prigori, a opet da ne bude skroz bilo. Onda dodaj po kesice kupovne smrznute i već isjeckane špinjače, nisi luda da se za...frkaješ sa čišćenjen, pa pranjen, pa blanširanjen, pa sitnin sickanjen friške špinjače...i to za dva čeljadeta!!! Ako si baš navrla, a ti se pati! Malo provrti tu špinjaču sa onin brašnon pa dodajprvo malo HLADNOG mlika - ni slučajno teplog jerbo bi se oma sve to zgrudalo i onda ti ni bog ni gospe ne bi pomogli razmeškat tu balotu (kuglu). Dobro mišaj, najboje ti je onon žičanon metlicon ča se žbativadu (mute) jaja. Pomalo dodaji mlika da ti bude sridnje gusto, ne previše jerbo ćeš dobit juvu. Dodaj papra i muškatnega oraščića, to ti u svaki bešamel ide - bešamel ti je sve ovo samo brez špinjače i more ti dobro doć za svašta, evo rečemo za musaku, za nju si sigur čula ili si jela dok je mater kuvala? Tek kad je gotovo, onda soli jerbo ne vaja špinjaču pri solit. I to ti je to.)
Za pire u šporko oliti narodski (a to nije oni finski brez grudvica i sa maslon) skuvat ona dva krumpira u slanu vodu, prignječi sa pirunon (viljuškon) u par poteza, dodaj pinku luka (češnjaka), petrusimula i pinku (malo) pravega (maslinova) uja, soli ako ti još triba. Učas gotovo!
Uz to san dodala pome ka salatu i tobila te tri kolure (ćao zete, viva Italia!)) i prilipetala one moje trikarane šnicele od niki dan ča se nisu izile.
Posluživanje
Ovo nije vidilo Italije, izbacilo bi me iz nje, da pire-špinjača...a bome ni u Dalmaciji ni tradicija. Ako ćete original dalmatinski, onda frišku špinjaču samo nakratko provtite po uju, kakvo mliko, kakvo brašno! Ja nisan išla na pazar jerbo je padala kiša, pa mi se nije dalo, a ovi smrnuti već bio tu...taman po kese čekalo da je skuvan. Vi morete uet varijantu bebeću il ovu zdraviju, dalmatinsku.
1