Moj profil

Pašta i fažol alla nonno ili “na pomalo”

90 minuta
87
Pašta i fažol alla nonno ili “na pomalo”

Kad bi nono prijel padelu v ruke i posel se fažol prebirat, znali smo da će mineštra, ku smo i inače fanj voleli, bit još sledić boja. Nona je užala reć da je to zato aš ona, kot i saka vredna ženska, nima lazno vrtet se samo okol padel, leh mora i va vrt poć i po kuće ča storit dok se obed kuha. A nono je onako, na pomalo i bez preše, delal čuda va padele. Z kuće je dišelo… Taj dih nan je samo jedno špjegal – obed je gotov!

Kad bi nono prijel padelu v ruke i posel se fažol prebirat, znali smo da će mineštra, ku smo i inače fanj voleli, bit još sledić boja. Nona je užala reć da je to zato aš ona, kot i saka vredna ženska, nima lazno vrtet se samo okol padel, leh mora i va vrt poć i po kuće ča storit dok se obed kuha. A nono je onako, na pomalo i bez preše, delal čuda va padele. Z kuće je dišelo… Taj dih nan je samo jedno špjegal – obed je gotov!

Sastojci

za
30 dag fažola šarega
0,5 dl maslinovega uja
1 vela glavica kapule
2 pari domaćeh kobasic
15 dag kratke pašte ili zlomjeni špigeti
2-3 česna češnja
0,5 dl domaćega octa
1 žlica muke
1-2 žlice konšerve od pumidori
malo soli i popra
malo nakidanega friškega petrsina

Priprema

Nono Fažol preberite i operite, pa stavite par ur močit, najboje po noće za drugi dan.
1.

Namočeni fažol stavite kuhat najprvo kratko, par minuti va jednu vodu ku ćete prolet, pa dolejte frišku teplu vodu, poten vrnite na oganj, pokrijte i neka se pomalo kuha jeno uru ili da je napol kuhan.

2.

Kapulu na grubo nasečite i stavite frigat va suru na uje.

3.

Kobasice i pancetu narežite na fetice pa hitite na požutelu kapulu. Neka se lepo pofrigaju, a vi sako malo podlejte z vodun i zmešajte. Za zadnje podlevanje zmešajte ocat domaći va malo vode, pa šufigajte dok se ne posahne. Na ten storite smok od malo muke i kratko mešajte na ognju da muka so uje popije. Onda na to dolejte malo vode va ke se fažol kuha da dojde gusto kot zapešt. Va gotov smok zmešajte konšervu.

4.

Va fažol ki je skoro kuhan stavite pašticu. Ako nimate kratku pašticu, zamite špigeti pa jih zlomite na kratko. Lepo zmešajte, dolejte teple vode ako treba, stavite travi za dih i gušt i još bičić česna na sitno, posolite i zapaprite kuliko volite, pokrijte i neka se na pomalo kuha onuliko kuliko pašte treba da omehne.

5.

Kad je pašta skoro kuhana, zamočite ze smokon z kobasicami, pokušajte ako je dosti slano, pa kad sve nazad zavre i mineštra malo zgusne, pogasite oganj. Hitite na to malo natrganega petrsine i pustite stat pokriveno magar kvarat ure prvo leh stavite na pijati.

Posluživanje

Parićajte na stol sakemu pijat ove dobre mineštre i po fetu-dve domaćega kruha. Velen juden dajte i po žmuj vina, a dičine će bit kakova limunada.
Neka van je va gušt!

  • Grah(4)
  • Pasulj(2)
  • Po-domacu(1)
  • Bean(1)
  • KOBASICE(1)
  • VARIVA(1)
  • Juhe i variva(1)
  • Enoloncnice(1)
  • MINEŠTRE(1)

19

Ovo sa sirćetom je fini trik_-))

Savršenoo, I bili su špageti izlomljeni, prava pastica I stavila sam I trave za diht svoje hehe Hvala na divnom receptu, uživali smo a ja i u čitanju❤️❤️❤️

Fino..... što drugo reći, hvala na receptu uz sliku i pozdrav!

Ovako je ispalo drugima

Još recepata za ovo jelo

Pašta i fažol
coolinarika

Pašta i fažol