Moj profil

Pan di Spagna

30 minuta
18
Pan di Spagna

Iako u prevodu znači "hljeb/kolač iz Španije", patišpanj je originalno italijanski kolač. Vjerovatno se zbog toga našao u većini knjižica sa receptima naših mediteranskih baka. U Americi poznat kao "Sponge cake" ("Sunđer" kolač), recept je bio omiljen i u Britaniji (osnova za tortu kraljice Viktorije) i u Francuskoj (gdje se, doduše, kao sve francusko, pravi ipak malko drugačije), a stigao je i do Japana gdje se ne peče već se "kuva" na pari! Bilo kako bilo, pred vama je recept za divni, vazdušasti biskvit u koji po želji možete dodati razne arome i boje i kreirati maštovite torte i rolate, jer je ovo tijesto mekano i povoljno za oblikovanje a zbog nježnog ukusa, slaže se sa svim kremama i filovima. Nama je ipak najdraži ovaj original. Uživajte!

Iako u prevodu znači "hljeb/kolač iz Španije", patišpanj je originalno italijanski kolač. Vjerovatno se zbog toga našao u većini knjižica sa receptima naših mediteranskih baka. U Americi poznat kao "Sponge cake" ("Sunđer" kolač), recept je bio omiljen i u Britaniji (osnova za tortu kraljice Viktorije) i u Francuskoj (gdje se, doduše, kao sve francusko, pravi ipak malko drugačije), a stigao je i do Japana gdje se ne peče već se "kuva" na pari! Bilo kako bilo, pred vama je recept za divni, vazdušasti biskvit u koji po želji možete dodati razne arome i boje i kreirati maštovite torte i rolate, jer je ovo tijesto mekano i povoljno za oblikovanje a zbog nježnog ukusa, slaže se sa svim kremama i filovima. Nama je ipak najdraži ovaj original. Uživajte!

Sastojci

za
6 kom jaja
6 kašika kristal šećera (ravnih)
6 kašika brašna
1/2 kesice vanilin šećera (ili aroma limuna, vanile..)
šećer u prahu, kristal šećer ili vanilin šećer za posipanje/dekoraciju

Priprema

1.

Upalite rernu da se grije na 160 stepeni C.

Svih šest jaja dobro umutite sa šećerom, dok smjesa postane vazdušasta, blijedo žuta i skoro kao šne. Znaćete da je gotovo/dovoljno gusto i pjenasto kad po tijestu budu ostajali tragovi od metlica električnog miksera.

2.

Brašno sa vanilin šećerom i praškom za pecivo prosijte direktno u tijesto.

3.

Uzmite drvenu varjaču, metalnu metlicu (kao za omlet) ili plastičnu kašiku i nježno sjedinite brašno sa smjesom.

(Ovo možete uraditi i mikserom, ali najmanjom brzinom i vrlo kratko - tek toliko da se brašno rasporedi po tijestu.)

4.

Namastite i pobrašnajte kalup koji ćete koristiti pa u njega izlijte tijesto što prije, da bi ostalo vazdušasto.

5.

Pecite 30 minuta ne otvarajući rernu.

Kad je kolač gotov, pustite ga da se ohladi prije rezanja jer će se u suprotnom slijepiti i imaćete osjećaj da nije pečen.

Posluživanje

Služite uz jutarnju čašu mlijeka, popodnevnu kafu ili čaj.

Po želji pospite kristal ili šećerom u prahu.

  • Biskvit(1)
  • Mekano(1)
  • Sponge-cake(1)
  • Italian-food(1)
  • Pan-di-spagna(1)
  • Cake(1)
  • Kuglof(1)

3

Hvala Hekata 😘 

Odlicna patispanja..volim njen specifičan ukus...znam da se mora bas dobro umiriti..

Nekako sam zagubila nove fotke 😢 Ovdje je sve što sam našla, za malo masniji patišpanj, sa maslacem i sa pola mjere. Zato je niži, ali jednako vazdušast i ukusan!

Kako je tebi ispao recept?

Poslikaj i pohvali se! :)

Još recepata za ovo jelo

Biskvit za torte - odličan!
zoja-gita

Biskvit za torte - odličan!